Prevención de riscos laborais

A Área Técnica, formada por 4 técnicos de PRL, especialistas nas materias de seguridade do traballo, hixiene industrial e ergonomía e psicosocioloxía aplicada encárgase da identificación, avaliación e proposta de medidas de control dos riscos laborais mediante actuacións técnicas. Tamén desenvolve actividades formativas, asesora aos distintos axentes implicados na seguridade e saúde dos traballadores, xestiona a coordinación de actividades empresariais con empresas externas e colabora na comprobación da conformidade dos equipos de protección individual entre outras actividades.

Pola súa parte, a Área de Saúde Laboral ten como obxectivo a vixilancia e promoción da saúde das persoas traballadoras, mediante recoñecementos médicos, adaptacións do posto por razóns de saúde, embarazo ou lactación, e a valoración e seguemento de posibles enfermidades profesionais ou accidentes biolóxicos.

Ambas áreas traballan conxuntamente para garantir a prevención eficaz dos riscos laborais, a mellora continua das condicións de traballo e a protección da saúde do persoal ao servizo da sanidade pública.